lýðskrum um vaxtamál

Sigmundur Davíð Guðlaugsson segir:

'Steingrímur J. Sigfússon telur 5,6% vexti í evrum og pundum vera afar hagstæða. Vextir Seðlabanka Englands eru nú 0,5%. Vextirnir sem Bretar bjóða Íslendingum eru því 11 sinnum hærri en það.´

Þetta er lýðskrum. Lánið á icesave er til 15 ára. Þýska ríkið borgar nú 3.72 prósent í vexti í evrum á lánum til 10 ára. Breska ríkið borgar 3.51 í pundum. Í Bandaríkjunum er þeir nálægt 4. Allir þessir vextir eru í sögulegu lágmarki, þeir voru síðast í fyrra um eða yfir í 5 prósent en hafa lækkað nýlega vegna sérstakra aðgerða seðlabanka þessara landa sem miða að því að lækka langtímavexti með beinum uppkaupum á langtímaskuldabréfum.

Ef miðað er við 2-3 prósenta verðbólgu á þessum tíma eru raunvextir á Icesave í kringum 3-4 prósent. Mér sýnist það töluvert lægra en raunvextir á verðtryggðum ríkisvíxlum á Íslandi.

Og vextirnir breska, þýska og bandaríska ríkisins sem vitnað er í að ofan vísa til 10 ára láns. En ef ég skil rétt þá er lánið til 15 ára á þessum vöxtum. Þar sem skammtímavextir í þessum ríkjum eru 0 í dag og 10 ára vextir um 4 er ekki ólíklegt, þótt ég hafi ekki tékkað eða reynt að slemba á það með útreikningum (kannski ég geri það á morgun), að vextir á 15 ára láni þessara ríkja væri á svipuðu reiki og íslenska lánið. Þannig að íslenska ríkið væri að fá svipuð kjör og þessi ríki í eigin mynt.

Þessi vextir eru líka töluvert lægri en íslenska ríkinu myndi bjóðast á alþjóðlegum mörkuðum. Þetta lán til Skilanefndar Landsbankans er væntanlega fjármagnað með lánum breska ríkisins, sem verður þegar upp er staðið líklega jafn skuldsett vegna bankakreppunnar og hið íslenska.

Umræðan um icesave verður að vera á málefnalegum nótum en ekki byggjast á lýðskrumi og upphrópunum.